ខេត្តកែប៖ នាព្រឹកថ្ងៃទី១៦ ខែតុលា ឆ្នាំ២០២១ ឯកឧត្តម សោម ពិសិដ្ឋ អភិបាលនៃគណៈអភិបាលខេត្តកែប និងឯកឧត្តម រ៉ូហ្វី អូស្មាន សមាជិករដ្ឋសភា ព្រមទាំងថ្នាក់ដឹកនាំមកពីគណៈចលនាសាសនិកឥស្លាម របស់គណបក្សប្រជាជនកម្ពុជា សមាជិកា ក្រុមប្រឹក្សាខេត្ត អភិបាលរងខេត្ត អភិបាលក្រុងកែប និងមន្ត្រីពាក់ព័ន្ធមួយចំនួនទៀត បានអញ្ជើញសាកសួរសុខទុក្ខ និងផ្តល់អំណោយជូនប្រជាពលរដ្ឋជួបការលំបាកនៅភូមិថ្មី សង្កាត់ព្រៃធំ ក្រុងកែប ខេត្តកែប ។អំណោយដែលយកទៅប្រគល់ជូនប្រជាពលរដ្ឋ១២៥គ្រួសារ នោះ ក្នុង១គ្រួសារទទួលបានអង្ករ ២០kg និងមី១កេស រួមទាំងថវិការបស់ ឯកឧត្តមបណ្ឌិត អូស្មាន ហាស្សាន់ ទេសរដ្ឋមន្រ្តីទទួលបន្ទុកបេសកកម្មពិសេសចំនួន ២៤០០ដុល្លារ ជូនព្រះវិហារឥស្លាមភូមិថ្មី ក្រុងកែប ដែលសរុបជាថវិកាទាំងអស់ ៤៥៨៧ ដុល្លារអាមេរិក ។ ជាមួយគ្នានេះ គណៈប្រតិភូក៏បានផ្តល់ជូនដំណាប់លម៉ើ ១៧០គីឡូក្រាម និងគម្ពីរអាល់គួរអាន មួយចំនួនផងដែរ។ឯកឧត្តម សោម ពិសិដ្ឋ អភិបាល នៃគណៈអភិបាលខេត្តកែប បានស្វាគមន៍ និងថ្លែងអំណរគុណគណៈប្រតិភូ ដែលបានយកចិត្តទុកដាក់សាកសួរទុក្ខ ដល់ប្រជាពលរដ្ឋ ក្នុងខេត្តកែប ដែលនេះជាការរួមចំណែកសម្រួលដល់ការលំបាករបស់បងប្អូនប្រជាពលរដ្ឋ ដែលកំពុងជួបការលំបាកក្នុងជីវភាពរស់នៅប្រចាំថ្ងៃ ដោយសារវិបត្តិនៃជំងឺឆ្លង ជាសាកលកូវីដ-១៩ ។ ឯកឧត្តម អភិបាលខេត្ត បន្តថា កន្លងមក អាជ្ញាធរខេត្ត ក្រុង ស្រុក ឃុំ សង្កាត់ ក៏ដូចជាក្រុមការងារចុះជួយភូមិទាំងអស់ តែងតែចុះដល់គ្រប់មូលដ្ឋាន និងនាំយកអំណោយសង្គ្រោះផ្តល់ជូនដល់បងប្អូន ដែលកំពុងជួបការលំបាកជាប់ជាប្រចាំ និងគ្រប់ភូមិទូទាំងខេត្ត ។ ជាមួយគ្នានេះឯកឧត្តម អភិបាលខេត្ត ក៏បានក្រើនរំឭក ដល់បងប្អូនប្រជាពលរដ្ឋទាំងអស់ បន្តអនុវត្ត្តជាប្រចាំ នូវវិធានការសុខាភិបាល វិធានការបីកុំ បីការពារ ត្រូវរៀនរស់នៅតាមបែបគន្លងថ្មី ទម្លាប់រស់នៅល្អ ហូបស្អាត ផឹកស្អាត មានអនាម័យ ទើបយើង អាចឈានទៅបញ្ចប់ការឆ្លងរាលដាលជំងឺកូវីដ-១៩ និងមានជីវភាពប្រសើរឡើងវិញ ។ឯកឧត្តម រ៉ូហ្វី អូស្មាន សមាជិករដ្ឋសភា បានក្រើនរំលឹក ដល់បងប្អូនប្រជាពលរដ្ឋដែលគ្រប់អាយុបោះឆ្នោត ត្រូវម្ចាស់ការ និងប្រាកដថា ខ្លួនពិតជាមានឈ្មោះ ពិតប្រាកដ ត្រឹមត្រូវក្នុងបញ្ជីឈ្មោះបោះឆ្នោត ហើយត្រៀមពិនិត្យឬចុះឈ្មោះជាថ្មីសម្រាប់អ្នកទើបគ្រប់អាយុ បោះឆ្នោតឬអ្នកដែលទើបផ្លាស់ប្តូរទីលំនៅ ដែលចាប់ផ្តើមពីថ្ងៃទី១២ ខែតុលា ដល់ថ្ងៃទី៣០ ខែវិច្ឆិកា ឆ្នាំ២០២១ យោងតាមសេចក្តីជូនដំណឹងរបស់ គណៈកម្មាធិការជាតិរៀបចំការបោះឆ្នោត៕
ព័ត៌មានគួរចាប់អារម្មណ៍
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ខ្មែរថ្ងៃនេះ)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ខ្មែរថ្ងៃនេះ)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)
ឃាត់ខ្លួនប៉ូលីសក្លែងក្លាយ ពាក់ឯកសណ្ឋានស័ក្តិ៣ ធ្វើសកម្មភាពឆែកឆេរសម្ភារៈ និងគំរាមពិនិត្យទឹកនោមរកសារធាតុញៀន ទៅលើយុវជនម្នាក់ នៅភ្នំពេញ (ខ្មែរថ្ងៃនេះ)
វីដែអូ