ថ្ងៃព្រហស្បតិ៍ ទី០៥ ខែសីហា ឆ្នាំ២០៥០
ទំនាក់ទំនង គេហទំព័រ ធីអ៊ិនអេ 012 598 938
ក្រុមការងារអាជ្ញាធរជាតិអប្សរាប្រទះឃើញក្បាល ដងខ្លួនយក្ស និងព្រះសិរទេវតាក្នុងពេលធ្វើកំណាយបុរាណវិទ្យាជួសជុលខ្លោងទ្វារតាកាវ
Thu,22 July 2021 (Time 02:09 PM)
ដោយ ៖ សហការី (ចំនួនអ្នកអាន: 12នាក់)

ខេត្តសៀមរាប ៖ នៅក្នុងអំឡុងពេលធ្វើកំណាយបុរាណវិទ្យាស្រាវជ្រាវ ដើម្បីធ្វើការជួសជុលខ្លោងទ្វារតាកាវ ក្រុមអ្នកជំនាញបានរកឃើញ ចម្លាក់យក្ស និងទេវតា លើស្ពានហាលនៃ ខ្លោងទ្វារតាកាវ និងបំណែកវត្ថុបុរាណមួយចំនួនទៀត ដើម្បីយកមកលាងសម្អាត និងថែរក្សា ឱ្យបានគង់វង្ស ។

លោកស្រី គឹម សេងភក្តី មន្ត្រីផ្នែកបុរាណវិទ្យា នៃអាជ្ញាធរជាតិអប្សរាបានឱ្យដឹងថា ក្នុងរយៈពេល៣សប្តាហ៍នៃការធ្វើកំណាយបុរាណវិទ្យា​ស្រាវជ្រាវ ដើម្បីធ្វើការជួសជុលខ្លោងទ្វារតាកាវឡើងវិញ ក្រុមការងារបានរកឃើញក្បាលយក្សចំនួន៣នៅពេញល្អ ឯក្បាល៣ទៀត មាន ត្រឹមតែពាក់កណ្តាល។ ចំពោះ ដងខ្លួនអាសុរៈបានរកឃើញមានចំនួន០៤។ រីឯ ព្រះសិរទេវតាបានរកឃើញចំនួន៣ ក្នុងនោះចំនួន០២ នៅពេញល្អ និង១ទៀតមានត្រឹមពាក់កណ្តាលស្មាដល់បបូរមាត់។

លោកស្រីបន្តថា ចម្លាក់ដែលបានប្រទះឃើញនេះ ក្រុមការងារបានសហការជាមួយនគរបាលបេតិកភ័ណ្ឌ ដើម្បីចុះបញ្ជើទទួលស្គាល់ ជាឯកសារ និងបានស្ទួចយកមករក្សាទុកនៅការដ្ឋាន ដើម្បីធ្វើគម្រោងជួសជុលឡើងវិញ និងរំពឹងថា អាចនឹងរកឃើញបំណែកដងខ្លួន នៅពេលខាងមុខទៀត។

សំឡេង៖ ពីអាទិត្យមុនយើងរកឃើញបំណែកកំណាត់ក្បាលយក្យចំនួន៣ មួយកំណាត់ត្រឹមច្រមុះចំនួន២ មួយកំណាត់មាត់ត្រឹមក្រោមគឺ១ ទាំងអស់គឺ៦ លក្ខណៈដែលយើងរកបានពេញតាំងពីកឡើងដល់ក្បាល តែចំនួន៣ទេ ក្នុងអាទិត្យនេះយើងរកឃើញបំណែកព្រះសិរទេវតា ២ទៀត សាច់ពេញតែម្តង បន្ទាប់ពីកំណាយរកឃើញទាំងអស់ហ្នឹងរួចរាល់ហើយ យើងប្រៀបធៀបជាមួយអ័ក្្សរបស់បង្កាន់ដៃយក្ស និងបង្កាន់ដៃទេវតា បន្ទាប់មកយើងវាស់វែងសម្រង់ប្លង់ តាមបញ្ជីដែលយើងផ្ទៀងផ្ទាត់ជាឯកសារមួយ បន្ទាប់មកទៀត មុននឹងយើង ស្ទួចចេញពីទីតាំងដើម យើងបានសហការជាមួយនគរបាលការពារបេតិកភ័ណ្ឌដើម្បីសហការគ្នាដឹងឮថា វត្ថុដែលទទួលយកនេះ ដាក់នៅជិតខ្លោងទ្វារ ព្រះសិរដែលយើងរកឃើញនេះ មិនបានយកទៅទីតាំងណាទេ យើងទុកនៅការដ្ឋានផ្ទាល់ យើងត្រូវការស្វែងរក បំណែកទៀត គម្រោងយើងត្រូវជួសជុលបង្កាន់ដៃយក្យ និងទេវតាឡើងវិញ ដូច្នេះក្បាលយក្សដែលជ្រោះធ្លាក់ក្បែរនេះ បានន័យថា បំណែកដងខ្លួនក៏នៅក្បែរៗហ្នឹងដែរយើងអាចរកឃើញឡើងវិញ។

សូមបញ្ជាក់ថា ខ្លោងទ្វារតាកាវ ជាខ្លោងទ្វារមួយក្នុងចំណោមខ្លោងទ្វារទាំង៥ នៃក្រុងអង្គរធំ ដែលស្ថិតនៅទិសខាងលិចនៃប្រាសាទបាយ័ន។ខ្លោងទ្វារនេះ ត្រូវបានប្រារព្ធពិធីក្រុងពាលី ដើម្បីដំណើរការជួសជុលឡើងវិញ កាលពីថ្ងៃទី២១ ខែកុម្ភៈ ឆ្នាំ២០២១កន្លងទៅ ដែលអនុវត្ត ការងារផ្ទាល់ដោយអាជ្ញាធរជាតិអប្សរា សហការជាមួយវិស័យឯកជន៕

ព័ត៌មានគួរចាប់អារម្មណ៍

ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)

ព័ត៌មានគួរចាប់អារម្មណ៍

កាំកុង​ត្រូល​ខេត្តកណ្ដាល ចុះត្រួតពិនិត្យ​ទំនិញហួសកាលបរិច្ឆេទ និងខូចគុណភាព ដាក់លក់នៅ​ផ្សាររកា​កោង (ខ្មែរថ្ងៃនេះ)

ព័ត៌មានគួរចាប់អារម្មណ៍

រដ្ឋបា​លខេត្តស្ទឹងត្រែង​ បើកវេទិកា​រផ្សព្វផ្សាយ និងពិគ្រោះ​យោបល់របស់ក្រុមប្រឹក្សា​ខេត្ត សម្រាប់​អាណត្តិទី៣ ឆ្នាំ២​០១៩ នៅក្នុងស្រុកសៀម​ប៉ាង (ខ្មែរថ្ងៃនេះ)

ព័ត៌មានគួរចាប់អារម្មណ៍

ចាប់ឃា​ត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)

ព័ត៌មានគួរចាប់អារម្មណ៍

ឃាត់ខ្លួនប៉ូលីសក្លែងក្លាយ ​ពាក់ឯកសណ្ឋានស័ក្តិ​៣ ធ្វើសកម្មភាពឆែកឆេរសម្ភារៈ និងគំរាមពិនិត្យ​ទឹក​នោម​រកសារធាតុញៀន ទៅលើយុវជនម្នាក់ នៅភ្នំ​ពេញ (ខ្មែរថ្ងៃនេះ)

វីដែអូ