ខេត្តបាត់ដំបង ៖ នាថ្ងៃ១០រោច ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃអង្គារ ទី០៣ ខែសីហា ឆ្នាំ២០២១ ឯកឧត្តម ងួន រតនៈ អភិបាលខេត្តបាត់ដំបង និង មានការអញ្ជើញចូលរួមដោយលោកអភិបាលរងអភិបាលខេត្ត លោក លោកស្រី ប្រធានមន្ទីរ អង្គភាពពាក់ព័ន្ធជុំវិញខេត្ត ព្រមទាំងមន្រ្ដីរាជការមួយចំនួនផងដែរ បានអញ្ជើ ញចុះសួរសុខទុក្ខប្រជាពលរដ្ឋ ដែលកំពុងបិទខ្ទប់ នៅភូមិក្រឡោមភ្លុក ឃុំព្រៃស្វាយ ស្រុកមោងឫស្សី បន្ទាប់ពីមានការផ្ទុះជាសហគមន៍នៅភូមិខាងលើនូវជំងឺកូវីដ-១៩យ៉ាងគំហុក ។ឯកឧត្តម ងួន រតនៈ បានប្រសាន៍ណែនាំដល់ប្រជាពលរដ្ឋដែលកំពុងបិទខ្ទប់នេះ សូមតាមដានសុខភាពប្រចាំថ្ងៃរបស់ខ្លួនជាប់ជាប្រចាំ បើសិនជាមានចេញរោគសញ្ញាសង្ស័យណាមួយ សូមប្រញាប់រាយការណ៍ជូនដល់មេភូមិ មេឃុំ ឬអាជ្ញាធរមានសមត្ថកិច្ច ដែលនៅប្រចាំការ ដើម្បីបញ្ជូនមន្រ្ដីសុខាភិបាលធ្វើការរៀបចំតេស្ដយកសំណាកភ្លាមៗ ។ឯកឧត្តម បានបន្តណែនាំដល់ប្រជាពលរដ្ឋដែលកំពុងបិទខ្ទប់នេះ កុំលួចចេញក្រៅ នៅពេលដែលអាជ្ញាធរមិននៅ ការដែលធ្វើបែបនេះគឺជាចេតនាបង្កភាពវឹកវរកាន់តែខ្លាំង ព្រោះអ្នកជាប់បិទខ្ទប់ទាំងអស់ ជាអ្នកដែលជាប់ពាក់ព័ន្ធផ្ទាល់ និងប្រយោលជាមួយអ្នកជំងឺ។ ដូច្នេះយើងមិនទាន់ដឹងថាអ្នកណាកើតអីនៅឡើយទេ ដូចនេះសូមបន្តការឃុំខ្លួនឱ្យបានខ្ជាប់ខ្ជួន ព្រមទាំងធ្វើអនាម័យផ្ទាល់ខ្លួនជាប់ជានិច្ច ដោយការពាក់ម៉ាស ឧស្សាហ៍លាងសម្អាតដៃនឹងសាប៊ូ និងទឹកអាល់កុល ឬជែល ព្រមទាំងហូបស្អាតជានិច្ច ។ឯកឧត្តម អភិបាលខេត្ត ក៏បានដឹកនាំគណៈប្រតិភូ ពិនិត្យស្ថានភាពជាក់ស្ដែង និង សួរសុខទុក្ខ ព្រមទាំងនាំយកអំណោយរបស់សម្ដេចក្រឡាហោម សខេង និងលោកជំទាវ ជូនដល់ប្រជាពលរដ្ឋនៅតំបន់បិទខ្ទប់ និង មន្រ្ដីកងកម្លាំងប្រដាប់អាវុធ មន្រ្ដីសុខាភិបាល ដែលនៅប្រចាំនៅព្រំប្រទល់បាត់ដំបង-ពោធិ៍សាត់ ផងដែរ ៕
ព័ត៌មានគួរចាប់អារម្មណ៍
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ខ្មែរថ្ងៃនេះ)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ខ្មែរថ្ងៃនេះ)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)
ឃាត់ខ្លួនប៉ូលីសក្លែងក្លាយ ពាក់ឯកសណ្ឋានស័ក្តិ៣ ធ្វើសកម្មភាពឆែកឆេរសម្ភារៈ និងគំរាមពិនិត្យទឹកនោមរកសារធាតុញៀន ទៅលើយុវជនម្នាក់ នៅភ្នំពេញ (ខ្មែរថ្ងៃនេះ)
វីដែអូ