នាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរ នៃអាជ្ញាធរជាតិអប្សរាឱ្យដឹងថា ក្នុងអំឡុងឆមាសទី១ ឆ្នាំ២០២២ ក្រុមការងារបានចុះពិនិត្យ និងជួយសម្រួលលក្ខណ:បច្ចេកទេស នៃការសាងសង់លំនៅដ្ឋាន និងសំណង់ឧបសម្ព័ន្ធផ្សេងៗទៀតដល់ប្រជាពលរដ្ឋដែលរស់នៅក្នុងតំបន់រមណីយដ្ឋានអង្គរ និងក្រៅតំបន់រមណីយដ្ឋានអង្គរ បានចំនួន ១,៥២២គ្រួសារ។ចំពោះលំនៅដ្ឋានប្រជាពលរដ្ឋទាំងនោះ គឺរស់នៅក្នុងតំបន់រមណីយដ្ឋានអង្គរ មានចំនួន ១,៤៩២គ្រួសារ ក្នុងនោះ ប្រជាពលរដ្ឋក្រុងសៀមរាប ៣៧៧គ្រួសារ, ស្រុកប្រាសាទបាគង ៣៤៩គ្រួសារ, ស្រុកបន្ទាយស្រី ២៥៥គ្រួសារ, ស្រុកពួក ៣៣៧គ្រួសារ និងស្រុកអង្គរធំ ១៧៤គ្រួសារ។ ជាមួយនោះប្រជាពលរដ្ឋរស់នៅក្រៅតំបន់រមណីយដ្ឋានអង្គរចំនួន ៣០គ្រួសារ គឺស្រុកស្វាយលើ ២៤គ្រួសារ និងស្រុកសូទ្រនិគម ចំនួន ៦គ្រួសារ។សូមបញ្ជាក់ថា ក្រុមការងាររបស់អាជ្ញាធរជាតិអប្សរា ដែលទទួលបន្ទុកពិនិត្យលក្ខណ:បច្ចេកទេស នៃការសាងសង់លំនៅដ្ឋានជូនប្រជាពលរដ្ឋ ក្នុងតំបន់រមណីយដ្ឋានអង្គរ តែងតែជួយសម្របសម្រួលដល់ប្រជាពលរដ្ឋ ដូចជា រាល់ការអនុញ្ញាត និងដាក់ពាក្យសាងសង់ស្នើសុំ គឺមិនតម្រូវឱ្យប្រជាពលរដ្ឋបង់ប្រាក់នោះឡើយ៕
ព័ត៌មានគួរចាប់អារម្មណ៍
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ខ្មែរថ្ងៃនេះ)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ខ្មែរថ្ងៃនេះ)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)
ឃាត់ខ្លួនប៉ូលីសក្លែងក្លាយ ពាក់ឯកសណ្ឋានស័ក្តិ៣ ធ្វើសកម្មភាពឆែកឆេរសម្ភារៈ និងគំរាមពិនិត្យទឹកនោមរកសារធាតុញៀន ទៅលើយុវជនម្នាក់ នៅភ្នំពេញ (ខ្មែរថ្ងៃនេះ)
វីដែអូ