ឯកឧត្តម ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា ស៊ីម៉ាក់ បានលើក ឡើងថា ខេត្តព្រះសីហនុនឹងបញ្ចប់បញ្ហាគ្រាប់មីន នៅចុង ខែកក្កដា ឆ្នាំ២០២២នេះ ខណៈដែលត្រៀមពិធីផ្ទេរប្រគល់ក្នុងខែសីហា។ ឯកឧត្តម ហេង រតនា បានលើកឡើងតាមរយៈហ្វេសបុក ថា ដំណើរឆ្ពោះទៅបញ្ចប់បញ្ហាគ្រាប់មីននៅខេត្តព្រះ សីហនុនៅចុងខែកក្កដា ឆ្នាំ២ ០២២នេះឯកឧត្តមគួច ចំរើន អភិបាលនៃគណ:អភិបាល ខេត្តព្រះសីហនុ លើកមតិជា មួយឯកឧត្តមថាមានបំណងទៅសួរសុខទុក្ខបងប្អូន ។ ឯកឧត្តមអគ្គនាយកស៊ីម៉ាក់ បន្តថា នេះជាផ្លូវទៅចម្ការមីនចុងក្រោយនៅទឹកដីខេត្តព្រះ សីហនុនៅលើភ្នំថ្មតុ ដែលត្រូវធ្វើដំណើរលើដងភ្នំគីរីរម្យទៅកាន់ភ្នំថ្មតុ។ រង់ចាំជួបគ្នានៅពេលផ្ទេរប្រគល់និងប្រកាសខេត្តព្រះសីហនុ ជាខេត្តគ្មានគ្រាប់មីននៅក្នុងខែ សីហា ខាងមុខនេះតែម្តង! ។ ឯកឧត្តមអគ្គនាយកស៊ីម៉ាក់ បានបញ្ជាក់ថា កម្លាំងជំនាញស៊ីម៉ាក់ នឹងចូលមកវាយ សម្រុកបោសសម្អាតនៅខេត្ត កំពតបន្តទៀត ប្រសិនជាគ្មានការប្រែប្រួលទេ អង្គភាពស៊ីម៉ាក់មានគម្រោងបញ្ចប់ខេត្តតាកែវ កំពង់ឆ្នាំង និងខេត្តកំពង់ចាម នៅចុងឆ្នាំ ២០២២ ព្រមទាំងបន្តបោស សម្អាតខេត្តកំពត ស្វាយរៀង និងខេត្តកំពង់ស្ពឺ ឱ្យក្លាយជាខេត្តគ្មានគ្រាប់មីននៅពាក់ កណ្តាលឆ្នាំ២០២៣។ គួរជម្រាបថា ក្នុងពិធីសំណេះសំណាលជាមួយនឹងប្រតិភូកីឡាអាស៊ានប៉ារ៉ាហ្គេម មុនចេញទៅប្រកួតកីឡាជនពិការអាស៊ាន ឬអាស៊ានប៉ារ៉ាហ្គេមលើកទី ១១ នៅទីក្រុងសូឡូ ប្រទេសឥណ្ឌូនេស៊ី កាលពីថ្ងៃទី ៦ ខែកក្កដា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអំពាវនាវដល់ប្រជាពលរដ្ឋ និងសប្បុរសជនចូលរួមវិភាគទានជាមួយនឹងរាជរដ្ឋាភិបាល ដើម្បីឈានឆ្ពោះទៅសម្រេចគោលដៅកម្ពុជាគ្មានគ្រាប់មីន (សូន្យមីន) នៅឆ្នាំ ២០២៥ ដោយប្រើនូវចលនាជាតិរបស់កម្ពុជា ក្នុងការបញ្ចប់បញ្ហាមីន ។ សូមបញ្ជាក់ថា មានខេត្តចំនួន ៣ ហើយត្រូវបានប្រកាសជាខេត្តដែលអស់មីន ក្នុងនោះមាន ខេត្តកែប ខេត្តព្រៃវែង និងខេត្តស្ទឹងត្រែង ហើយកម្ពុជានៅសល់ ២២ រាជធានី- ខេត្តទៀតដែលបន្តរងផលប៉ះ ពាល់ក្នុងទំហំផ្ទៃដីសរុប ៧១៦ ០៣៩ ៧១២ ម៉ែត្រ ការ៉េ(៧១ ៦០៣,៩ ហិកតា) ៕