ថ្ងៃព្រហស្បតិ៍ ទី១៨ ខែសីហា ឆ្នាំ២០៥០
ទំនាក់ទំនង គេហទំព័រ ធីអ៊ិនអេ 012 598 938
ក្រុមហ៊ុនចិនមួយព្រមព្រៀងទិញផ្លែមៀនប៉ៃលិនក្នុងតម្លៃជាក់លាក់ ចាប់ពី៣៣០០ទៅ៤៥០០រៀលក្នុងមួយគីឡូក្រាម
Thu,21 July 2022 (Time 07:09 AM)
ដោយ ៖ សហការី (ចំនួនអ្នកអាន: 45នាក់)

ប៉ៃលិន៖ កាលពីព្រឹកថ្ងៃទី១៩ ខែកក្កដា ឆ្នាំ២០២២ ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម បានអញ្ជើញ ជាអធិបតីក្នុងពិធីចុះអនុស្សរណៈយោគយល់គ្នារវាង ក្រុមហ៊ុនស៊ី ភី ខេមបូឌា ចំកាត់ និងតំណាងសៃឡូនៅប៉ៃលិន ព្រមទាំងពិធី ប្រកាសតម្លៃបញ្ជាទិញមៀនរវាងក្រុមហ៊ុនឆាយណា ជិនវ័រយាន អ៊ឹមផត អិចផត ជាមួយសហគមន៍មៀនប៉ៃលិន ទាំង ៤ ខេត្ត រួមមាន៖ ខេត្តប៉ៃលិន បាត់ដំបង បន្ទាយមានជ័យ និងខេត្តពោធិ៍សាត់។

ពិធីនេះមានការចូលរួមពី លោកប្រធានមន្ទីរពាណិជ្ជកម្មខេត្តប៉ៃលិន លោកប្រធានមន្ទីរពាណិជ្ជកម្មខេត្តបាត់ដំបង លោកប្រធានមន្ទីរ ពាណិជ្ជកម្មបន្ទាយមានជ័យ លោកប្រធានមន្ទីរកសិកម្ម រុក្ខាប្រមាញ់ និងនេសាទខេត្តប៉ៃលិន តំណាងក្រុមហ៊ុនស៊ី ភី ខេមបូឌាចំកាត់ តំណាងក្រុមហ៊ុនឆាយណា ជិនវ័រយាន អ៊ីមផត អិចផត តំណាងសៃឡូមកពីខេត្តប៉ៃលិន បាត់ដំបង និងបន្ទាយមានជ័យ ព្រមទាំង មន្រ្តីរាជការនៃក្រសួង-មន្ទីរពាណិជ្ជកម្មជាច្រើនរូប។

នៅក្នុងឱកាសនោះ ឯកឧត្តមរដ្ឋមន្រ្តី បានថ្លែងអំណរគុណដល់រដ្ឋបាលខេត្តប៉ៃលិន ដែលមានមន្ទីរពាណិជ្ជកម្មខេត្តជាសហការី បានខិតខំបំពេញការងារសម្របសម្រួល និងជំរុញសកម្មភាពសេដ្ឋកិច្ចនៅក្នុងតំបន់ ពិសេសនៅក្នុងរដូវកាលប្រមូលផល របស់ កសិករ នៅក្នុងតំបន់ តាមរយៈការសម្របសម្រួលការនាំចេញទៅកាន់ប្រទេសជិតខាង ជាពិសេសក្នុងការរៀបចំឱ្យមានការ ចុះអនុស្សរណៈយោគយល់គ្នារវាងក្រុមហ៊ុនស៊ី ភី និងសៃឡូប្រមូលទិញកសិផល ពិសេសពោតក្រហម នៅខេត្តប៉ៃលិន។

ឯកឧត្តមរដ្ឋមន្រ្តី បន្តថា ពិធីចុះហត្ថលេខាលើអនុស្សរណៈយោគយល់គ្នានេះ គឺជាកិច្ចចាប់ផ្តើមនៅក្នុងការចូលរួមចំណែកពង្រីក សកម្មភាពទិញលក់ផលិតផលពោតក្រហម ការជំរុញការវិនិយោគបន្ថែមទៀតទៅលើការកែច្នៃកសិផលពោតនៅក្នុងស្រុក ក៏ដូច ជាការបង្កើនតម្លៃ និងការពង្រឹងខ្សែច្រវាក់តម្លៃពោតក្រហម ស្របពេលដែលកម្ពុជាកំពុងតែជួបប្រទះបញ្ហាការកើនឡើងថ្លៃថាមពល និងស្របពេលដែលដល់រដូវកាលប្រមូលផលពោតក្រហមរបស់កសិករនៅប្រទេសជិតខាងផងដែរ។

ឯកឧត្តមរដ្ឋមន្រ្តី បន្ថែមថា ក្រសួងពាណិជ្ជកម្មតែងតែយកចិត្តទុកដាក់ខ្ពស់ក្នុងការជួយជំរុញកំណើនសេដ្ឋកិច្ចជាតិ តាមរយៈការ បង្កើនវិសាលភាពនៃការផ្គត់ផ្គង់កសិផល និងការជំរុញវិស័យកែច្នៃកសិផល ពិសេសកសិផលឧស្សាហកម្ម ហើយការរួមចំណែក របស់វិស័យឯកជន ក៏ជាកត្តារួមចំណែកដ៏ធំក្នុងការជួយពង្រីក និងការជ្រៀតចូលទីផ្សារឱ្យបានកាន់តែទូលំទូលាយ តាមរយៈការ អភិវឌ្ឍន៍ផលិតផលកសិផល ដែលអាចបញ្ជ្រាបផលិតផលកែច្នៃទាំងនោះចូលក្នុងទីផ្សារក្នុងស្រុក និងក្រៅប្រទេស ឱ្យបានកាន់ តែទូលំទូលាយបន្ថែមមួយកម្រិតទៀត ផងដែរ។

ឯកឧត្តមរដ្ឋមន្រ្តី បញ្ជាក់ថា តាមរយៈពិធីចុះអនុស្សរណៈយោគយល់គ្នានេះ ក្រុមហ៊ុន ឆាយណា ជិនវ័រយាន អ៊ីមផត អិចផត បានចុះ កិច្ចសន្យាទិញមៀនប៉ៃលិន ជាមួយសហគមន៍មៀនប៉ៃលិន នៅក្នុងតម្លៃជាក់លាក់ពីចាប់ពី ៣៣០០ ទៅ ៤៥០០រៀល/គក្រ គិតចាប់ ពីខែកញ្ញា ឆ្នាំ២០២២ រហូតដល់ខែមិថុនា ឆ្នាំ២០២៣។ ចំពោះកសិផលពោតក្រហមវិញ បច្ចុប្បន្នមានសៃឡូចំនួន ១២ ទីតាំង នៅក្នុងខេត្តប៉ៃលិន កំពុងដំណើរការបញ្ជាទិញកសិផលពីកសិករ ដែលជាធម្មតាពោតស្នូលសំណើម៣០% តម្លៃ ៦៣៦.៦៤រៀល/គក្រ (៥.៧បាត/គ្រក) និងពោតស្នូលសំណើម ២៩% គឺ ៦៤៧.៨១រៀល/គ្រក (៥.៨បាត/គ្រក)។

នៅកិច្ចបញ្ចប់ ឯកឧត្តមរដ្ឋមន្រ្តី បានបង្ហាញនូវក្ដីសង្ឃឹមយ៉ាងមុតមាំថា ក្រោយពិធីចុះហត្ថលេខាលើអនុស្សរណៈយោគយល់គ្នា គ្រប់ភាគីទាំងអស់នឹងសហការគ្នាឱ្យកាន់តែជិតស្និទ្ធ នៅក្នុងការជួយជំរុញដំណើរការសេដ្ឋកិច្ចជាតិឲ្យកាន់តែមានភាពរីកចម្រើន និងជួយផលិតកម្ម ដែលមានគោលដៅចុងក្រោយ គឺបង្កើនប្រាក់ចំណូលជូនកសិករដាំពោតក្រហមនៅក្នុងខេត្តប៉ៃលិន ក៏ដូចជា កសិករទូទាំងប្រទេស៕

ព័ត៌មានគួរចាប់អារម្មណ៍

ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)

ព័ត៌មានគួរចាប់អារម្មណ៍

កាំកុង​ត្រូល​ខេត្តកណ្ដាល ចុះត្រួតពិនិត្យ​ទំនិញហួសកាលបរិច្ឆេទ និងខូចគុណភាព ដាក់លក់នៅ​ផ្សាររកា​កោង (ខ្មែរថ្ងៃនេះ)

ព័ត៌មានគួរចាប់អារម្មណ៍

រដ្ឋបា​លខេត្តស្ទឹងត្រែង​ បើកវេទិកា​រផ្សព្វផ្សាយ និងពិគ្រោះ​យោបល់របស់ក្រុមប្រឹក្សា​ខេត្ត សម្រាប់​អាណត្តិទី៣ ឆ្នាំ២​០១៩ នៅក្នុងស្រុកសៀម​ប៉ាង (ខ្មែរថ្ងៃនេះ)

ព័ត៌មានគួរចាប់អារម្មណ៍

ចាប់ឃា​ត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)

ព័ត៌មានគួរចាប់អារម្មណ៍

ឃាត់ខ្លួនប៉ូលីសក្លែងក្លាយ ​ពាក់ឯកសណ្ឋានស័ក្តិ​៣ ធ្វើសកម្មភាពឆែកឆេរសម្ភារៈ និងគំរាមពិនិត្យ​ទឹក​នោម​រកសារធាតុញៀន ទៅលើយុវជនម្នាក់ នៅភ្នំ​ពេញ (ខ្មែរថ្ងៃនេះ)

វីដែអូ