(ខេត្តបាត់ដំបង) ទីតាំងវ៉ុងល្បែង ជល់មាន់តាមអនឡាញ ០២ កន្លែងក្នុងភូព្រែកមហាទេពឃុំស្វាយប៉ោស្ថិតក្នុងក្រុងបាត់ដំបងកំពុងផ្គើននិងបទបញ្ជារបស់រាជរដ្ឋាភិបាល កំពុងបើកដំណើរការ យ៉ាងរំភើយ ពង្វក់ស្មារតីប្រជាពលរដ្ឋ ចូលលេងយ៉ាងគគ្រឹកគគ្រេង ដោយអនាធិបតេយ្យ  តែអាជ្ញាធរសមត្ថកិច្ចក្នុងមូលដ្ឋាននៅតែរក្សាភាពស្ងៀមស្ងាត់  ថ្ងៃទី  ២៣ខែកញ្ញា ឆ្នាំ ២០២៣ នេះ យោងតាមអនុសាសន៍របស់សម្ដេច បានដាក់ចេញនៅថ្ងៃទី ១៧ ខែកញ្ញា ឆ្នាំ២០២២ សម្ដេចតេជោ ហ៊ុន សែន  នាយករដ្ឋមន្ត្រីនៃព្រះរាជាណាចក្រកម្ពុជាបានដាក់បទបញ្ជាឲ្យលោកអភិបាលរាជធានីខេត្តទាំង២៥ខេត្ត ក្រុង ត្រូវតែបង្ក្រាបឲ្យខានតែបានល្បែង ស៊ីសងខុសច្បាប់គ្រប់ប្រភេទទូទាំងប្រទេស តែផ្ទុយទៅវិញអាជ្ញាធរសមត្ថកិច្ចក្នុងមូលដ្ឋាន  ឃុំស្វាយប៉ោបែរជាបណ្ដោយឱ្យមានល្បែងស៊ីសង យ៉ាងដូច្នេះទៅវិញប្រភពបញ្ជាក់ថា កន្លែងលេងល្បែងជល់មាន់តាមអនឡាញទាំង ០២ កន្លែងខាងលើនេះ កន្លងមកក៏ធ្លាប់ត្រូវបានអាជ្ញាធរ  មានសមត្ថកិច្ច ឱ្យធ្វើកិច្ចសន្យា បញ្ឈប់មិនឱ្យមានការដាក់លេងល្បែងស៊ីសងនៅទីតាំងទាំងនេះទៀតទេ ពលរដ្ឋឃុំស្វាយប៉ោបានបន្ថែមថាសង្ស័យអាជ្ញាធរមានសមត្ថកិច្ចនៅក្នុងឃុំស្វាយប៉ោប្រហែលជាត្រូវថ្នាំសណ្ដំ  ដេកលង់លក់អស់ហើយ  មើលទៅ បានជាភ្លេចកាតព្វកិច្ច  ក្នុងនាមជាមន្ត្រីសាធារណៈ និងភ្លេចគោលនយោបាយ ភូមិ  ឃុំ  មានសមត្ថភាពទាំង ៧ ចំណុចដែលបានដាក់ចេញដោយក្រសួងមហាផ្ទៃ ទាក់ទងករណីខាងលើនេះ លោក........អធិការក្រុងបាត់ដំបងបានប្រាប់ បណ្ដាញ សារព័ត៌មាន ធី  អ៊ិន អេ  នៅល្ងាចនេះថាចំពោះល្បែងស៊ីសង  ០២ទីតាំង ក្នុងភូមិព្រែកមហាទេព ចាំលោកឱ្យកម្លាំងប៉ុស្តិ៍ចុះទៅពិនិត្យមើលទៀត ពលរដ្ឋកំពុងរង់ចាំមើល តើលោក  អធិការក្រុងបាត់ដំបង បញ្ចេញស្នាដៃបង្ក្រាបបទល្មើសល្បែងស៊ីសង ដែលកំពុងតែកើតមាន ក្នុងដែនសមត្ថកិច្ចគ្រប់គ្រងរបស់ខ្លួន ឬទេ ជៀសវាងប្រជាពលរដ្ឋ ដាក់ការសង្ស័យថា បទល្មើសល្បែងស៊ីសងអាចកើតឡើងបានដោយសារតែការត្រូវរូវគ្នាជាប្រព័ន្ធ ឃុំខិតបើកភ្លើងខៀវពីរដ្ឋបាលខេត្តបាត់ដំបង។