រឿងចាស់ដោះស្រាយគ្នាមិនទាន់នឹងចប់ស្រួលបួលផង ស្រាប់តែបែកធ្លាយរឿងថ្មីមួយករណីទៀតទៅហើយ ដោយមានឧកញ៉ាម្នាក់បានចាក់ដីចូលក្នុងទន្លេមេគង្គដើម្បីសង់ផ្ទះធ្វើជាកម្មសិទ្ធិរបស់ខ្លួនស្ថិតនៅចំណុចខ្ពបដៃទន្លេមេគង្គ ភូមិតាកយ ឃុំព្រែកដំបូក ស្រុកស្រីសន្ធរ ខេត្តកំពង់ចាម។បើតាមប្រភពដែលបណ្ដាញសារព័ត៌មានទទួលបានបានឲ្យដឹងថា បន្ទាប់ពីករណីឧកញ៉ាម្នាក់បានលួចចាក់ដីចូលក្នុងទន្លេមេគង្គដើម្បូីយកធ្វើជាកម្មសិទ្ធិហើយបានធ្វើស្រុកស្រីសន្ធរមខេត្តកំពង់ចាមល្បីល្បាញពេញបណ្ដាញសង្គមហ្វេសប៊ុកនិងបណ្ដាញសារព័ត៌មានក្នុងស្រុកជាច្រើនទៀត ស្រាប់តែថ្មីៗនេះ មានរឿងឧកញ៉ាមួយទៀតដែលកើតនៅក្បែរគ្នានោះ កំពុងចាក់ដីចូលខ្ពបទន្លេមេគង្គ និងកំពុងសាងសង់ផ្ទះ ដោយគ្មានការរំខានពីអាជ្ញាធរស្រុកស្រីសន្ធរនិងខេត្តកំពង់ចាមនោះទេ។ប្រភពបានបន្តថា ករណីថ្មីនេះ ក៏ជាឧកញ៉ាដែរ និងជាថៅកែក្រុមហ៊ុនទៀតផង ដែលកំពុងធ្វើទង្វើល្មើសច្បាប់ ដូចទៅនឹងឧកញ៉ាខាងលើនោះដែរ។ប្រភពព័ត៌មានបានបន្តថា ដោយសារតែភាពល្បីល្បាញនៅក្នុងស្រុកស្រីសន្ធរ នៅថ្ងៃទី២៣ ខែកុម្ភៈ ឆ្នាំ២០២៤ គេឃើញមន្ត្រីភូមិបាលស្រុកប្រញាប់ប្រញាល់ជើងបី ជើងបួន ចុះទៅផ្អាកសកម្មភាពសាងសង់របស់ឧកញ៉ាដែលអ្នកផងដឹងថា ជាទង្វើបំពានច្បាប់នៃព្រះរាជាណាចក្រ។ប្រភពបន្តថា ទង្វើនោះគឺជាការគុបគិតគ្នារវាងមន្ត្រីថ្នាក់ស្រុក ក្រោមការដឹកនាំរបស់លោក ស៊ឹម គង់ អភិបាលស្រុកស្រីសន្ធរ ជាមួយឧកញ៉ាដែលភរិយារបស់ឧកញ៉ានោះគឺមានស្រុកកំណើតនៅឃុំព្រែកដំបូកនោះ។គួរជម្រាបថា រដ្ឋបាលខេត្តកំពង់ចាមកាលពីថ្ងៃទី២៣ ខែកុម្ភៈ ឆ្នាំ២០២៤ម្សិលមិញនេះ បានចេញសេចក្ដីប្រកាសព័ត៌មានស្ដីពីការទប់ស្កាត់សកម្មភាពចាក់ថ្មចូលផ្ទៃទន្លេ ដែលមានទីតាំងស្ថិតនៅភូមិព្រៃទទឹង ឃុំឫស្សីស្រុក ស្រុកស្រីសន្ធរ ខេត្តកំពង់ចាម៕
ព័ត៌មានគួរចាប់អារម្មណ៍
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ខ្មែរថ្ងៃនេះ)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ខ្មែរថ្ងៃនេះ)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)
ឃាត់ខ្លួនប៉ូលីសក្លែងក្លាយ ពាក់ឯកសណ្ឋានស័ក្តិ៣ ធ្វើសកម្មភាពឆែកឆេរសម្ភារៈ និងគំរាមពិនិត្យទឹកនោមរកសារធាតុញៀន ទៅលើយុវជនម្នាក់ នៅភ្នំពេញ (ខ្មែរថ្ងៃនេះ)
វីដែអូ