TNA

ថ្ងៃច័ន្ទ ទី០១ ខែកញ្ញា ឆ្នាំ២០៥០

ទំនាក់ទំនង គេហទំព័រ ធីអ៊ិនអេ 012 598 938

ទំព័រដើម ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានស៊ើបអង្កេត

ព័ត៌មានថ្មីបំផុត

លោក ប៉ែត សារ៉ាត់ ប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ១ ស្ថិតនៅចំណុចឃុំកំពង់ភ្នំ ស្រុកលេីកដែកខេត្តកណ្តាលគាបយកលុយពីក្រុមរថយន្តដឹកជញ្ជូនធន់ធំទាំងយប់ទាំងថ្ងៃមិនញញើតអ្វីទាំងអស់អាងខ្នងលោក បូរីវង្សសារនិត្យ ប្រធានមន្ទីរសាធារណការនិងដឹកជញ្ជូនខេត្តកណ្ដាល **|**

14/08/2025
កណ្ដាល ៖ ភាពមិនប្រក្រតីប្រព្រឹត្តរបៀបពុករលួយរបស់ក្រុមមន្រ្តីស្ថានីយ៍ជញ្ជីងថ្លឹងរថន្តផ្លូវជាតិលេខ១ ចំណុចឃុំកំពង់ភ្នំ ស្រុកលើកដែក ខេត្តកណ្ដាលប្រែក្លាយជាប្រធានបទមួយសំរាប់អាជីវករនិងឈ្មួញប្រកបរបរដឹកជញ្ជូនទំនិញឆ្លងកាត់ស្ថានីយ៍ជញ្ជីងថ្លឹងរថយន្តផ្លូវជាតិលេខ១ ស្រុលើកដែក ខេត្តកណ្ដាល ។
ប្រភពពីក្រុមអ្នករកស៊ីដឹកជញ្ជូនទំនិញឆ្លងកាត់ផ្លូវជាតិលេខ១ ស្ថិងនៅចំណុចភូមិកំពង់ពោធិ៍បានអោយដឹងថា ករណីមន្ត្រីដែលប្រចាំការនៅស្ថានីយ៍ជញ្ជីងថ្លឹងរថយន្តកំពង់ភ្នំនៅចំណុចភូមិកំពង់ពោធិ៍ ឃុំកំពង់ភ្នំ ស្រុកលើកដែក ខេត្តកណ្តាល ប្រែក្លាយទៅជាស្ថានីយ៍ជញ្ជីងថ្លឹងលុយទាំងយប់ទាំងថ្ងៃប្រព្រឹត្តរបៀបពុករលួយ។ ទោះប្បីជារថយន្តដឹកទំនិញមិនលើសទម្ងន់ ក៏មន្ត្រីប្រចាំការនៅស្ថានីយ៏ជញ្ជីងថ្លឹងរថយន្តផ្លូវជាតិលេខ១កំពង់ភ្នំ នៅចំណុចភូមិកំពង់ពោធិ៍ ឃុំកំពង់ភ្នំ ស្រុកលើកដែក ទារលុយថ្លៃបាយទឹកនិងកាហ្វេផងដែរ វាក្លាយទៅជាទម្លាប់គួរឲ្យស្អប់ខ្ពើម ។
ក្រុមឈ្មួញនិងអាជីវករដឹកទំនិញឆ្លងកាត់ស្ថានីយ៍ជញ្ជីងផ្លូវជាតិលេខ ១នៅ ភូមិ កំពង់ពោធិ៍ ឃុំកំពង់ភ្នំ ស្រុកលើកដែក បានឲ្យដឹងថា រថយន្តដឹកលេីសទម្ងន់ឬមិនលេីសទម្ងន់ ក៍តម្រូវឲ្យបង់លុយតាមការកំណត់ មិនអាចរំលងបានឡើយ។ រីឯ លោក បូរី វង្សសានិត្យ ប្រធានមន្ទីរសាធារណការ និងដឹកជញ្ជូន ខេត្តកណ្ដាល ដែលទើបឡើងកាន់តំណែងថ្មី បណ្ដោយអោយលោក ប៉ែន សារ៉ាត់ប្រធាន.អនុប្រធានស្ថានីយ៍ជញ្ជីងថ្លឹងរថយន្ត ឃុំកំពង់ភ្នំ ប្រែក្លាយទៅជាស្ថានីយ៍ជញ្ជីងថ្លឹងលុយទាំងយប់ទាំងថ្ងៃប្រព្រឹត្តរបៀបពុករលួយតាមអំពេីចិត្ត។ចំណែកលោក សេង ឈួន រដ្ឋលេខាធិការក្រសួងសាធារណការនិងដឹកជញ្ជូននិងជាប្រធានគណៈកម្មការសម្របសម្រួលជញ្ជីងថ្លឹងរថយន្ដចល័តទូទាំងប្រទេស រក្សាភាពស្ងៀមស្ងាត់ផងដែរ។
ប្រភពពីមន្ត្រីសាធារណការនិងដឹកជញ្ជូនខេត្តកណ្ដាល បានអោយដឹងថា ដោយមានការឃុបឃិតគ្នាពីថ្នាក់ដឹកនាំមន្ទីរ ទើបក្រុមមន្ត្រីនៅស្ថានីយ៍ជញ្ជីងថ្លឹងរថយន្ត ខាងលើរកវិធីសាស្រ្តគ្រប់បែប យ៉ាងដើម្បីប្រមូលលុយឲ្យបានច្រើន ពីព្រោះវាជាមុខមាត់របស់ស្ថានីយ៍ជញ្ជីងថ្លឹងនិងមានចំណូលដាក់ក្នុងហោប៉ៅបានច្រើនចែកគ្នាធ្វើមានធ្វើបានផង។ ក្រុមអ្នកបើករថយន្តភាគច្រើនបានព្យាយាមគេចវាងតាមផ្លូវផ្សេងព្រោះតែមន្ត្រីនៅប្រចាំការនៅស្ថានីយ៍មួយនេះទារលុយច្រើនៗបើទោះប្បីជារថយន្តមានការដឹកទំនិញលើសទម្ងន់បន្តិចបន្តួចក៏ដោយ។

ជាងនេះទៅទៀតបើទោះប្បីជារថយន្តដឹកទំនិញមិនលើសទម្ងន់ក៏មិនត្រូវហាមាត់លូកដៃទារលុយថ្លៃបាយទឹកកាហ្វេប្រចាំថ្ងៃនោះដែរ ព្រោះអ្នករកស៊ីដឹកទំនិញទទួល ស្គាល់ថា រថយន្ដដឹកជញ្ជូនទំនិញអាចមានលើសទម្ងន់បន្តិចបន្តួច ប៉ុន្តែមិនដល់ថ្នាក់រាប់តោននោះទេ រីឯពួកមន្ត្រីដែលប្រចាំការនៅស្ថានីយ៍ជញ្ជីងថ្លឹងរថយន្តកំពង់ភ្នំផ្លូវជាតិលេខ១ នៅចំណុចភូមិកំពង់ពោធិ៍ ឃុំកំពង់ភ្នំ ស្រុកលើក ដែក ខេត្តកណ្តាល បន់អោយតែមានរថយន្តដឹកទំនិញលើសទម្ងន់ដើម្បីសង្កត់ ក យកលុយតែប៉ុណ្ណោះ ទោះរថយន្ដដឹកទំនិញលើសទម្ងន់ឬមិនលើសទម្ងន់ត្រូវតែបង់លុយតាមការកំណត់របស់ប្រធានស្ថានីយ៍ជញ្ជីងថ្លឹងរថយន្ដចំណុចខាងលើមិនអាចតវ៉ាបាន។

ពាក់ព័ន្ធមន្ត្រីប្រចាំនៅស្ថានីយ៍ជញ្ជីងថ្លឹងរថយន្តកំពង់ភ្នំ នៅលើផ្លូវជាតិលេខ ១ ភូមិកំពង់ពោធិ៍
ឃុំកំពង់ភ្នំ ស្រុកលើកដែក ពិតជាបង្កអោយមានការក្តៅក្រហាយដល់អ្នករកស៊ីដឹកជញ្ជូនទំនិញនានាហើយជាពិសេសពួកអ្នកដឹកទំនិញមួយចំនួនឆ្លៀតឱកាសវាងផ្លូវ ដែលបណ្ដាលឲ្យផ្លូវដ៍ទៃទៀត នឹង ស្ពាន ខូចខាតបាក់ស្រុតជាបន្ដបន្ទាប់។

ក្រុមអ្នកបើករថយន្ត អំពាវនាវដល់ថ្នាក់ដឹកនាំក្រសួងស្ថាប័នពាក់ព័ន្ធ លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន
.លោក សេង ឈួន រដ្ឋលេខាធិការក្រសួង សាធារណការនិងជាប្រធាន គណៈកម្មការ សម្របសម្រួល ជញ្ជីងថ្លឹងរថយន្តចល័តទូទាំងប្រទេស រួមនឹង លោក គួច ចំរើន អភិបាលនៃគណៈអភិបាលខេត្តកណ្ដាល គួរពិនិត្យមើលប្រធាន.អនុប្រធានស្ថានីយ៍ជញ្ជីងថ្លឹងរថយន្តកំពុងភ្នំផ្លូវជាតិលេខ១ ស្រុកលើកដែកឡើងវិញខ្លះផង។ជាពិសេសលោក ឱម យុិនទៀង ប្រធានអង្គភាពប្រឆាំងអំពើពុក រលួយធ្លាប់ប្ដេជ្ញាលុបបំបាត់នូវអំពើពុករលួយនូវតាមដងផ្លូវ គួរចាត់មន្រ្តីជំនាញក្រោមឱវាទចុះស្រាវជ្រាវលោក ប៉ែន សារ៉ាត់ប្រធានស្ថានីយ៍ជញ្ជីងថ្លឹងរថយន្តកំពង់ភ្នំផ្លូវជាតិលេខ១ និងបក្សពួកនៅចំណុចភូមិកំពង់ពោធិ៍ ឃុំកំពង់ភ្នំ ស្រុកលើកដែក ខេត្តកណ្តាល ប្រែក្លាយទៅជាជញ្ជីងថ្លឹងលុយទាំង យប់ទាំងថ្ងៃ ប្រព្រឹត្តរបៀបអំពើពុករលួយជិះសេះលែងដៃ ៕